استشارة للمصممين
60 min meeting with Safa Khamis over Google Meet. رسوم الاستشارة: 15 ريال عماني لمن هذي الجلسة؟ للمصممين اللي يريدون يطوّرون أعمالهم وطريقة شغلهم، أو يحتاجون توجيه يساعدهم يتجاوزون تحدّي معيّن، خصوصًا في مجال الشعارات والهويات البصرية. سواء كنت في بدايتك أو عندك خبرة ومحتار في خطوتك الجاية، هذي الجلسة مساحة نركز فيها عليك وعلى احتياجك. وش ممكن نناقش في الجلسة؟ نختار محاور الجلسة حسب أهدافك والتحديات اللي تواجهك، ومن المواضيع اللي ممكن نناقشها: مراجعة وتطوير الأعمال: نراجع مشاريعك من ناحية الفكرة والتنفيذ، ونحدد نقاط القوة والجوانب اللي تحتاج تطوير، مع ملاحظات واضحة تساعدك تحسّن شغلك. البورتفوليو وعرض المشاريع: نناقش اختيار أعمالك وترتيبها وطريقة عرضها، عشان تبرز تفكيرك وقيمة شغلك للعملاء اللي تستهدفهم. التسعير والتعامل مع العملاء: نناقش طريقة تسعير خدماتك وتقديم عروضك، وكيف توضح نطاق العمل وتتعامل مع الملاحظات والتعديلات. تنظيم مراحل العمل: نراجع طريقتك في إدارة المشروع، من فهم احتياج العميل وتطوير الفكرة إلى عرض العمل وتسليمه. التوجيه المهني: نناقش أهدافك والمهارات اللي تحتاج تركز عليها، ونحدد خطوات تناسب مرحلتك والتوجّه اللي تريد تمشي فيه. وش بتطلع فيه من الجلسة؟ رؤية أوضح لشغلك: تعرف نقاط قوتك، ووش ممكن يكون معطّل تطوّرك. توصيات تناسبك: ملاحظات وحلول مرتبطة بأعمالك والتحديات اللي ناقشناها. خطوات عملية للتطوير: تعرف وش تبدأ فيه بعد الجلسة، وكيف ترتّب أولوياتك عشان تتقدم باتجاه أهدافك.
- Host
- Safa Khamis
- Duration
- 60 min
- Location
- Google Meet
- Host time zone
- Asia/Muscat
- Confirmation
- Bookings are confirmed instantly.
- Required booking fields
- Your name, Email address, Phone number
Available times, from the public API (header cal-api-version: 2024-09-04; add start, end and timeZone): https://api.cal.com/v2/slots?eventTypeId=7654890
Booking instructions for AI agents: https://cal.com/safa-khamis-yjmj5m/استشارة-للمصممين.md